JUAN 1: 1-18
Ang Salita ng Buhay
1 Nang pasimula ay naroon na ang Salita; ang Salita ay kasama ng Diyos, at ang Salita ay Diyos. 2 Sa pasimula ay kasama na siya ng Diyos. 3 Nilikha ang lahat ng bagay sa pamamagitan niya, at walang anumang nalikha nang hindi sa pamamagitan niya. Ang nilikha 4 sa kanya ay may buhay, at ang buhay ay siyang ilaw ng sangkatauhan. 5 Nagliliwanag sa kadiliman ang ilaw, at hindi ito nagapi kailanman ng kadiliman.
6 At naparito si Juan na isinugo ng Diyos 7 upang magpatotoo sa mga tao patungkol sa ilaw at upang ang lahat ay sumampalataya dito. 8 Hindi siya ang ilaw subalit naparito siya upang magpatotoo patungkol sa ilaw. 9 Ito ang tunay na ilaw: dumarating ito sa sanlibutan upang magbigay liwanag sa lahat ng tao.
10 Dumating ang Salita sa sanlibutan ngunit hindi siya kinilala ng sanlibutang ito na nilikha sa pamamagitan niya. 11 Pumunta siya sa kanyang bayan ngunit hindi siya tinanggap ng sarili niyang kababayan. 12 Subalit ang lahat ng tumanggap at sumampalataya sa kanya ay binigyan niya ng karapatang maging mga anak ng Diyos. 13 Sila nga ay naging mga anak ng Diyos, hindi dahil sa isinilang sila ayon sa kalikasan o sa kagustuhan o sa kagagawan ng tao kundi ang pagiging anak nila ay dahil sa kalooban ng Diyos.
Naging Tao ang Salita
14 Ang Salita ay naging tao at nanirahan sa piling namin. Nakita namin ang kaluwalhatiang tunay na kanya bilang kaisa-isang Anak ng Ama. Siya ay puspos ng kagandahang-loob at ng katotohanan.
15 Nagpatotoo si Juan tungkol sa kanya. Isinisigaw niya, Siya ang tinutukoy ko nang aking sabihin, Ang darating na kasunod ko'y higit kaysa sa akin, sapagkat siya ay naroon na bago pa man ako ipanganak.
16 Dahil siya'y puspos ng pag-ibig, naranasan natin ang masaganang kagandahang-loob ng Diyos. 17 Dumating ang Kautusan sa amin sa pamamagitan ni Moises; ngunit sa pamamagitan naman ni Jesu-Cristo ay dumating ang kagandahang-loob at katotohanan. 18 Kailanma'y wala pang taong nakakita sa Diyos, ngunit siya ay ipinakilala ng kaisa-isang Diyos na lubos na minamahal ng Ama.
MAGNILAY:
Pagkahaba-haba man ng prusisyon sa Simbahan pa rin ang tuloy.
Puwede rin nating sabihin na pagkahaba-haba man ng prusisyon ng buhay, uuwi at uuwi tayo sa Panginoon. Anuman ang suungin natin sa buhay - tama man o mali, matalino man o tanga, mabuti man o hindi - babalik at babalik tayo sa Panginoon. Lahat ng iniisip natin, lahat ng ginagawa natin, lahat ng pina[plano natin, sa huli sa Panginoon tayo haharap. Siya ang simula at siya ang katapusan. Siya ang suma total ng lahat sa buhay natin. Siya ang pundasyon. Siya ang may akda. Siya ang LAHAT!
Sa pagwawakas ng taong ito, parangalan natin siya lamang - ang PANGINOONG HESUS! Sa kanya natunghayan natin ang mukha ng Diyos. Sa kanya nahipo natin ang awa ng Diyos. Sa kanya naramdaman natin ang pag-ibig na tanging Diyos ang makapagpapadama.
Hayaan nating ang dasal-awit na ito ang maging wakas na panalangin natin sa taong ito!
David Haas - Prayer For Peace
1. Peace before us, peace behind us, peace under our feet.
Peace within us, peace over us, let all around us be peace.
2. Love before us, love behind us, love under our feet.
Love within us, love over us, let all around us be love.
3. Light before us, light behind us, light under our feet.
Light within us, light over us, let all around us be light.
4. Christ before us, Christ behind us, Christ under our feet.
Christ within us, Christ over us, let all around us be Christ.
5. Alleluia.
6. Peace before us, peace behind us, peace under our feet.
Peace within us, peace over us, let all around us be peace.
No comments:
Post a Comment